بــــيييــــب بـــييــب أنابيــــب
-----------------------
لأني قليلة البخت وقليل البخت يلاقي العظم في الكرشة فقد حدث معي الموقف الآتي مش مرة واحدة
ولا مرتان بل ثلاثة
سمعتم جميعاً عن مشكلة الأنابيب المنفسة اللي بتفرقع الشر برة وبعيد مجرد سمع أما أنا ولأني جربت
ولمست وعشت كل مشاكل البلد دي فكان لازم أجرب بنفسي أمال أيه ؟ هو أنا شوية في البلد الخربانة دي
فالقصة بكل بساطة تتلخص في الآتي
فقد أشتريت أنبوبة غاز للبوتاجاز من بائع علي عجلة من الشارع ذي كل الناس ورحت عملت نفسي فلحوسة وقلت أعتمد علي نفسي وأغيرها ومش لازم أستني زوجي العزيز عشان يغيرهالي وفكيت الأنبوبة القديمة
ـ واللهي ييجي مني بت مخي نضيف ـ وركبت جلدة جديدة ـ مش بقولكم واعية ومدقدقة ـ وركبت المنظم في الأنبوبة الجديدة ـ الجديدة دي لونها أخضر مجرب أكل عليها الزمن وشرب ـ وثبته بكل قوتي بالمفتاح الإنجليزي
ـأهوه عملت اللي عليا لا ملامة بقي ـ وفتحت الأنبوبة وقلت أجربها ثم وأه من ثم أشعلت عود ثقاب وقربته من فوهة الأنبوبة لقيتها خير اللهم أجعله خير مولعة ولأن محسوبتكم غشيمة في مسألة الحرايق دي قعدت أنفخ بكل ماأوتيت من قوي هففففففففففف هففففففففففف هفففففففففففففففففففففففففففففففففففففففففف
مافيش فايدة قلت أرش مية فتحت الحنفية ولاني محظوظة بجد فتحت المية السخنة بدل الباردة وغرفت منها بيدي غرفة واحدة ـ لم أكررها طبعاً فقد حرقت يداي ـ ورميتها علي النار المشتعلة ولم تنطفيء نسيت أقولكم أن النار كانت كبيرة شويتين فأحضرت فوطة مطبخ وبللتها بالماء ووضعتها علي فوهة الأنبوبة فأنطفأت وربنا ستر
لكني مازلت أعاني من توابع الخضة وبقي عندي هسهس من الأنابيب بشكل غريب وبقيت أغير طريقي في الشارع لمجرد مرور أي بائع أنابيب بالصدفة في الشارع الذي أقصده
هذا الموقف تكرر معي ثلاث مرات وفي كل مرة أحاول أن أغير الأنبوبة المنفسة بأخري فيرفض البائع أن يغيرها الا بعد دفع ثمن لأنبوبة جديدة ـ سلامات يابتوع حماية المستهلك وهأ و أو أو ـ
ده كله بيحصل مع منتجات شركات البترول فاحشة الثراء ـ اللهم لا حسد وقر ونق ـ اللي مستخسرة تغير أنابيب الغاز التي تتسبب في العديد من الكوارث والحوادث التي نقرأ عنها كل يوم في الصحف اليومية وكأنها مقرر علينا وفي نفس الوقت نجد الباشمهندس وزير البترول ـ اللهي مايفرقع أنبوبة بيتهم بووووووووووووم ـ
يتبرع بالملاييين للاعبي الكورة الشراب والكورة الأرضية وعلي رأي المثل أقرع ونزهي
أو مليونير وأنابيبه منفسة
ولع ولع ياعم الحاج
ولا بلاش هفففففففففففففففففففففف
لأني قليلة البخت وقليل البخت يلاقي العظم في الكرشة فقد حدث معي الموقف الآتي مش مرة واحدة
ولا مرتان بل ثلاثة
سمعتم جميعاً عن مشكلة الأنابيب المنفسة اللي بتفرقع الشر برة وبعيد مجرد سمع أما أنا ولأني جربت
ولمست وعشت كل مشاكل البلد دي فكان لازم أجرب بنفسي أمال أيه ؟ هو أنا شوية في البلد الخربانة دي
فالقصة بكل بساطة تتلخص في الآتي
فقد أشتريت أنبوبة غاز للبوتاجاز من بائع علي عجلة من الشارع ذي كل الناس ورحت عملت نفسي فلحوسة وقلت أعتمد علي نفسي وأغيرها ومش لازم أستني زوجي العزيز عشان يغيرهالي وفكيت الأنبوبة القديمة
ـ واللهي ييجي مني بت مخي نضيف ـ وركبت جلدة جديدة ـ مش بقولكم واعية ومدقدقة ـ وركبت المنظم في الأنبوبة الجديدة ـ الجديدة دي لونها أخضر مجرب أكل عليها الزمن وشرب ـ وثبته بكل قوتي بالمفتاح الإنجليزي
ـأهوه عملت اللي عليا لا ملامة بقي ـ وفتحت الأنبوبة وقلت أجربها ثم وأه من ثم أشعلت عود ثقاب وقربته من فوهة الأنبوبة لقيتها خير اللهم أجعله خير مولعة ولأن محسوبتكم غشيمة في مسألة الحرايق دي قعدت أنفخ بكل ماأوتيت من قوي هففففففففففف هففففففففففف هفففففففففففففففففففففففففففففففففففففففففف
مافيش فايدة قلت أرش مية فتحت الحنفية ولاني محظوظة بجد فتحت المية السخنة بدل الباردة وغرفت منها بيدي غرفة واحدة ـ لم أكررها طبعاً فقد حرقت يداي ـ ورميتها علي النار المشتعلة ولم تنطفيء نسيت أقولكم أن النار كانت كبيرة شويتين فأحضرت فوطة مطبخ وبللتها بالماء ووضعتها علي فوهة الأنبوبة فأنطفأت وربنا ستر
لكني مازلت أعاني من توابع الخضة وبقي عندي هسهس من الأنابيب بشكل غريب وبقيت أغير طريقي في الشارع لمجرد مرور أي بائع أنابيب بالصدفة في الشارع الذي أقصده
هذا الموقف تكرر معي ثلاث مرات وفي كل مرة أحاول أن أغير الأنبوبة المنفسة بأخري فيرفض البائع أن يغيرها الا بعد دفع ثمن لأنبوبة جديدة ـ سلامات يابتوع حماية المستهلك وهأ و أو أو ـ
ده كله بيحصل مع منتجات شركات البترول فاحشة الثراء ـ اللهم لا حسد وقر ونق ـ اللي مستخسرة تغير أنابيب الغاز التي تتسبب في العديد من الكوارث والحوادث التي نقرأ عنها كل يوم في الصحف اليومية وكأنها مقرر علينا وفي نفس الوقت نجد الباشمهندس وزير البترول ـ اللهي مايفرقع أنبوبة بيتهم بووووووووووووم ـ
يتبرع بالملاييين للاعبي الكورة الشراب والكورة الأرضية وعلي رأي المثل أقرع ونزهي
أو مليونير وأنابيبه منفسة
ولع ولع ياعم الحاج
ولا بلاش هفففففففففففففففففففففف
6 comments:
أصلا أساسا اختراع الأنابيب ده المفروض يبطل من مدة ... و الله ما عارفة إيه البلد دى اللى عايزة تحرق شعبها
طب نعمل ايه اذا كانت الانابيب هي بس المتاحة دلوقت وصعب اننا نغيرها في الوقت الحالي للغاز الطبيعي
قلت لبختى انا رايح اتفسح قالى يعنى وانا مكسح
منور ياأرموطي
طب نعمل ايه لا الانابيب نافعه ولا الغاز بيوصل للاماكن كلها يعنى تقدرى تقولى شر لابد منه.............ممكن اطلب منك طلب صغيور بما انى مدونه جديده ممكن تضعى اسمها عندك عشان الناس تعرفنى......شكرا ليكى جدا
ربنا يصبرك على ما بالاكى
وربنا ميفرقعلك انبوبة
وربنا يسترها مع شعبنا الغلبان
Post a Comment