Saturday, June 14, 2008

خواطر زوجية


من وحي الحياة الزوجية أكتب لكم

ـــــــــــــــــــــــــــــــــــــــــــــــــــــــــــــ

آه منهم .... آآآآآآآآآآآآآآآآآه

رجالة آخر زمن

من برة جنتل مان ومن جوة يعلم الله

بأحس ساعات أن الراجل الزوج بياخد زوجته وكأنها أمر مُسلم به وأنه من حقه أن يعاملها كما يتراءي له

فتجده قد يستفزها أو يستخدم صوته العالي معها أمام الغرباء

دون مراعاة لمشاعرها ودون وجود أي أثر للجنتل مان لديه ... لأنها بالطبع زوجته

ومن حقه عليها الشخط والنطر وطول اللسان

وقد نجد نفس الرجل يتعامل بمنتهي الهدوء والأدب مع سيدات وفتيات لا تمتن له بأي صلة

سوي أنهن فتيات غريبات عنه

ليه بقي ... ياسيدي الفاضل
ماهي زوجتك ست .. وشبه أي ست تانية ... وممكن تبقي جنتل مان معاها
وكل الستات تتشابه في أحلامها بوجود رجل يحتويها بعطفه ويحترمها في السر والعلن
أمام الناس الغريبة ومن خلفهم
مش بين الناس تبوس أيديها وبينك وبينها تدوس عليها
يارجال العالم أرحموا الستات من الكيل بمكيالين
برة البيت وجواه

40 comments:

واحدة مفروسة said...

ام احمد ...ديه مش حاجه غريبه يا ماما كل الرجاله بيعملو كده....خلاص الست بتاعتهم بتبقى امر واقع بالنسبه لهم
اما الستات اللى بره مالهومش يشوفو غير الحلو بس....
و الله الواحد لو حب يتكلم فى الموضوه ده حيتقلب عليه المواجع خلينا ساكتين
لو يعرفوا الرجاله كلهم ان الستات بكلمه واحده حلوه تديهم عنيها...
بس تقولي ايه للغباء

الطائر الحزين said...

الله يسامحكم

بقى الراجل صوته عالى

حرام عليكم

طبعا مهم جدا مراعاة شعور الزوجة وبخاصة أمام الاخرين

بس ساعات فيه ناس بتعمل حاجات تخرج الناس عن شعورها

انا مش بتكلم عن الناس الى شعورها خارج لوحدة

نور احمد said...

السلام عليكم
انا اول مرة امر علي هذة المدونة اسمحي لي من ترضي بالمهانة فعليها تحمل الاهانة وعلي راي المثل جوزك علي ما تعوديه
بالنسبة لهذا يعني اما هناك ما يسمي بالاحترام المتبادل
نور
شكرا

بطوط حبوب said...

بطوط بتحدث بعد عودته
1
2
3
تست

اااااااااااه
نقول بقى
طب ما انتى لتشوفى الستات ع سنجه عشره فى الشارع وف البيت دراكولا
با نساء العالم اعدلوا

مـحـمـد مـفـيـد said...

باين عليكي مش هتجبيها لبر
وهتعملي فتنه زوجيه كده

خواطر رئيس شاب said...

هى عليها عامل كبير جدا فى انها تخليه يحبها ويحترمها

FaceMoon said...

دة اسمة تناقض فى التصرفات
انا كتبت عن الحكاية دى قبل كدة لانها كانت خنقانى وكنت بحسب انها بتحصلى انا بس طلعت الناس كلها ملاحظة الحكاية دى وبجد مش لاقية اجابة لحد دلوقتى لية التناقض دة فى التصرفات ما الكويس يبقى كويس فى كل حاجة جوة وبرة البيت ربنا يهديهم ويهدينا بقى
تحياتى

sad princes said...

طبعا مجتمعنا مجتمع الرجالة ودا شي طبيعي
لان الاسلام يجيز ضرب المراة وكانها حيوان

عاليا حليم said...

الموضوع ده بستفذنى بجد جدا
مش فاهمة فعلا ليه
و ليه كلهم بيبقوا شيوخ ما شاء الله و حافظين القرىن كله و ييجوا بالذات عند حقوق الزوجة و بيبقوا على قدهم
سبحان الله
مش فاهمة هم فاكرين انهم معمولين من طينة تانية مثلا ؟

صيدلانيه طالعه نازله said...

يا بنتى سبحان الله فيه رجاله تبقى ستاتها مدياها سورى يعنى بالجزمه و تلاقيهم مش عارفين يعملوا معاهم ايه كل شويه يخرجها و عشا بره و هدايا عشان يتقى شرها
و الست الهاديه الطيبه تاخد على دماغها
الدنيا فعلا حظوظ و حظ العداله مايل

Miss. Sosa said...

مش عارفة سبحان الله هو الموضوع غريب شوية بس يمكن من سمات التكامل

لو راجل صوته عالي بتلافى مراته هادية ووديعة ولو هو اللي هادي بتلاقى مراته مفرجة عليه الجيران

قلما ما بتلاقى اتنين هاديين او اتنيين متزرزين مع بعض

ويمكن المرجعية لده ان كل واحد بيميل للغريب عنه لكن اللي زيه بيحس معاه بملل

بس موضوع الاحترام بين الزوجين واجب علشان تدوم المحبة والود بينهم والدين الاسلامي ماشجعش علي ضرب المرأة ده تدرج فى طرق الاصلاح ووصل الي ان فشلت معاها كل الطرق تبتدي تقوم بالضرب وحتى حدد كيفية الضرب ده وانه مايكسرش ولا يهشمش يضربها بسواك مش بشومة
واعتقد مفيش اروع من دينا اللي نظم لما كل حاجة حتى حياتنا الخاصة

همس الاحباب said...

هههههههههههههههه
هو انتى هنا كمان
جنتل مان مع الستات
اما الزوجة دى ست اشهر
وجايبة المفروسة معاكى
وانا بقول المدونة منورة ليه
علشان انا موجود طبعا
هههههههههه

انا مش سلبى said...

فضفضى ام احمد

دمتى بكل خير

hamssah said...

انا مش حقول الراجل او الست بس حقول فعلا ناس كتير بتكيل بمكيالين والاقنعه كترت والوشوش مابقالهاش ملامح سواء زوج او زوجه
همسه

رئـــــيسـة حزب الأحلام said...

اللى عنده اى كتاب قرأه او عجبه فى اى جزئيه يرسلها عن طريق الايميل اى قصيدة


شعريه اى حاجة قرأتها وعجبتك ارسلها وأكتب اسم الكتاب واسم المؤلف

عمرو وجيه said...

ليه بس كده ظالمين الرجالة ...


طب ما الستات بجد تستهال

يعنى بجد رغايين وزننانين ...


بس برده آدم لا يمكن ان يفترق عن حواااااااء

الجدة فصيحة said...

السلام عليكم ورحمة الله وبركاته
--------------
ليه بقي ... ياسيدي الفاضل
ماهي زوجتك ست .. وشبه أي ست تانية ... وممكن تبقي جنتل مان معاها
--------------

الزوجة ليس كأي ست
بل يجب ان تكون هي كل ست له في الحياة
الزوجة هي السكن والسكينة
لديها يجب ان تعظم المودة والرحمة
ليس امام الناس بل بينه وبينها أهم

دمتِ في رعاية الله

ظل الشمس said...

عندك حق
معظم الرجالة كدا
ربنا يعينك ويعين الكل
ويهدى ابو احمد;)

Soooo said...

طب انا راضي ذمتك

لو واحد زعق لواحده ماتعرفوش وغريبه عنه .. مش اقل حاجه هتصوت تلم عليه الناس والناس تعمل الواجب ويعلموه الادب
بينما لما يزعق لمراته مش هتعمل الغدا وساعتها ممكن يتغدى بره بس
عادي يعني

وبعدين انتو ليه بتاخدوها بالحساسيه دي
ان ماكانش الراجل يزعق لمراته .. يزعق للغريب
يالهوي عليكم يا بنات حوا
بتبصو لحاجات عاديه خالص


ملحوظه
انا بهزر وغير متحمل لاي مسئوليه وعواقب تحصل نتيجة هزاري .. لو حد زعق انا ماليش دعوه


سلامووووووووووز

دعوة للأمل said...

تحياتى للجميع
ووفقك الله

أم أحمد said...

واحدة مفروسة
======================
هانعمل ايه بقي
ماهو حتي لو حبينا نغيرهم هانلاقي الصنف كله مضروب
يبقي نستحمل بقي وامرنا لله

أم أحمد said...

الطائر الحزين
====================
للأسف فيه ناس شعورها خارجة لوحدها والست مجبرة انها تستحمل ومش مفروض عليها الشكوي ولا الكلام

أم أحمد said...

نور احمد
==============
للأسف فيه رجال هو ده طبعها
ومن الصعب تغيرها
ولو حاولت تغيرها فيعني ذلك انتهاء حياتها الزوجية وهذا ماسيكلفها الكثير وسيكلف ابنائها الأكثر

أم أحمد said...

بطوط حبوب
===================
عودون بطوط
حمد الله علي السلامة ياباشا

أم أحمد said...

مـحـمـد مـفـيـد
======================

لا فتنة ولا حاجة
مافيش مشكلة
الست والراجل حلوينوذي الفل والدنيا بمبي والأشية معدن

أم أحمد said...

خواطر رئيس شاب
====================
مافيش فايدة
ده طبع متأصل في الراجل

أم أحمد said...

FaceMoon
==================
الملاحظة دي موجودة عند الستات المتزوجات كلهن للأسف
بس ممكن تلاقي قلة مندسة ماعندهاش التناقض ده
انا عننفسي ماشفتش من القلة دي لاكتير ولا قليل

أم أحمد said...

sad princes
====================
انتي عارفة ضرب المرأة في الإسلام بيبقي بأيه ؟
بيكون بالسواك بالراحة خالص
اللي قالك ان المرأة في الإسلام مفروض تنضرب يبقي غلطان
احنا اللي بنطبق ديننا غلط

أم أحمد said...

عاليا حليم
=================
فيه رجالة عندهم غرور فطري
فاكرين نفسهم من طينة ارقي من طينة الستات
وهم لو يعلمون احقر
طبعا مش كل الرجالة
ماتوديناش في داهية

أم أحمد said...

صيدلانيه طالعه نازله
===========================
حلو جدا المثل ده
حظ العدالة مايل

أم أحمد said...

Miss. Sosa
=================
انا اعرف واحدة كانت هادية موت واتجوزت واحد عصبي موت
فبقت عصبية ذيه بالظبط من كتر مارفع ضغطها
تسعدني مشاركتك في الحوار دائماً

أم أحمد said...

همس الاحباب
====================
هنا وهناك
انت منور في كل مكان
انا هابلغ عنك بتوع الكهربا احسنتطلع بتسرق الكربا من عمود النور اللي جنب بيتكم

أم أحمد said...

انا مش سلبى
==================
الفضفضة حلوة لينا كلنا

أم أحمد said...

hamssah
================
عندك كل الحق
الوشوش كترت وبقت اكتر من الهم علي القلب

أم أحمد said...

عمرو وجيه
====================
صلح صلح
بدال ماتاخد بالحلة
ماتخافش حلة متعمرة بالبامية هاتاكل صوابعك وراها

أم أحمد said...

الجدة فصيحة
=================
كلامجميل ماقدرش اقول حاجة عنه

أم أحمد said...

ظل الشمس
====================
يهدي الكل

أم أحمد said...

Soooo
=-=====
طب ويزعق ليه من اصله
هو هاينقص حتة لو بطل زعيق عالفاضي وعلي المليان
منور ياسو يامختفي من زمااااان

ست البيت said...

هما الرجالة كدا يا أم أحمد لما بيكبروا بتهطلوا
وكلام واحدة مفروسة صح

لأن فعلا الراجل في دراسة حديثة أكدت أن الرجل يعتبر أن المرأة أمر مفروغ منه بعد أن يضع خاتم الخطبة في يدها
وبعد ما تتجوز بيحس أنها خلاص مش حتروح بعيد حتروح فين يا حسرة
ما الرجالة مفكرين نفسهم سلعة نادرة دلوقتي

نسيم الصباح said...

بصى يا ام احمد الراجل اللى يعمل كدة يبقى ولو مؤاخذة زباله ومش واثق فى نفسه ومش لاقى الا الطريقه المؤرفه دى علشان يلفت نظر البنات والستات