Tuesday, July 29, 2008

مدد ياحكومة مدد


مدد ياحكومة مدد
مدّد ياحكومة مدّد ولادنا ماتوا النهاردة من ظلم كتير في البلد
كانت هذه هي الهتافات التي أطلقها أهالي ضحايا العبارة المنكوبة السلام 98
والذين أكدوا أن الناجين من العبارة قد تم أختطافهم لكي لا يدلون بشهادتهم أمام القضاء
فالمخطيء ليس مستثمراً صغيراً بل هو شخص مسنود... والمسنود في بلدنا لا يُدان مهما أرتكب من مصائب... يارب أسندنا ووقعهم

وحادث العبارة السلام 98 لمن لا يعلم هو أكبر مأساة إنسانية في مصر فقد راح ضحيتها 1033 شخصاً غرقاً في فبراير 2006م وكانت النيابة قد وجهت أصابع الإتهام نحو 10 أشخاص في القضية منهم 4 أشخاص أنتهت الدعوي القضائية ضدهم بسبب الوفاة .
والحكم في قضية العبارة ليس حكماً قضائياً بل هو حكم سياسي نظراً لنفوذ مالك العبارة ونجله وقربهما من دوائر عُليا في السلطة
ولاد المحظوظة متمرمغين في القرع بالكوسة
حتي يوم الحادث كان الشعب ملخوم في ماتشات الكورة والناس في الشارع مبسوطة
ولكن وبعد قرار القضاء الذي أدان كبش فداء ليترك الجاني الأساسي يرتع ويخرج منها كما الشعر في العجينة،الآن فقط ذهبت دماء الضحايا هدراً ووُضع خنجراً مسموماً في قلوب أسرالضحايا
بس حتي القيطان اللي أتاخد كبش فدا وهايروح في كلابوش مظلوم الغلط كله يلبسه المواطن اللي ركب السفينة من غير مايعمل ليها كشف علي السلامة ماهو في البلد العجيبة دي كل واحد لازم يشيل في جيبه أجهزة كشف وتدقيق
أسكت منك ليه ياشعب ماعندوش نظر
ورحم الله بلد يخرج منها أصحاب العبارة وأصحاب شركة هايدلينا براءة وسلملي علي المترو من غير ماتاخده بالحضن
لينا رب أسمه كريم

30 comments:

Mahmoud البطراوى said...

ولا تاخد المترو بالحضن
هى بقت عيشه

بس برضه هنقول بكره احسن
وربنا ميرضاش بالظلم

Anonymous said...

بصي يا ست ام احمد
بجد يعني رغم الالم الفظيع اللي الواحد حاسس بيه وبجد حرقة قلبي على اهالي المرحومين باذن الله لانهم كان اولادهم ماتوا تاني يوم الحكم الظالم ده
انا مش عارفة القاضي قدر ينطقه اصلا ازاي
ولسانهم بيطاوعهم يقولوا الظلم البين ده ازاي
لكن بعد ما انقهرت ودمعت واتحرق دمي قلت احسن
خسارة فيهم ياخدوا جزء من حسابهم في الدنيا
خلي الحساب يجمع عند ربنا فوق
اللي ما بيرضاش بالظلم اللي البشر بيرضوا بيه
خسارة فيهم الاعدام حتى
يعني لو اعدموا اتنين تلاتة
فين دم الالف واحد
غير المخطوفين
وحسبنا الله ونعم الوكيل
في الظالمين ومن عاونهم
يعني في اصحاب العبارة واللي ساندينهم
ان شاءاله يتسندوا كلهم في جهنم
امين

عاشقة الحواديت said...

بسم الله الرحمن الرحيم



أن شاء الله بداية موفقة

http://lover-tales.blogspot.com/

اهو ده عيبه said...

ربنا يرحم الجميع برحمته
العايشين والميتين
يمكن اللى ماتوا ارتاحوا وفى ذمه ربنا
لكن اللى عايشين وبيشربوا كاس الظلم ربنا فى عونهم بجد

خواطر رئيس شاب said...

اكيد دمهم ما رحش هدر

ربنا موجود

وربنا عادل

عن يقين

تحياتى

Ehab said...

خلاص بقى هي كده جابت اخرها يعني
لا ابدا ده العادي بتاعنا بس انتم بس مصدومين يا عيني في المفاجأه ان الوساخه المره دي كانت على عينك يا تاجر ومفضوحه قوي على شاشات التلفاز كل يوم ده بيحصل بيتقتل مننا الافات ولا نقدر نتكلم ولا نقدر نتحرك

حسبنا الله ونعم الوكيل
سلااااااااااااااااااااااام

رئـــــيسـة حزب الأحلام said...

ربنا يرحمنا جميعا يارب
والبلد دى امتى تنعدل
الف تحيه لكى ولللاولاد

kafrawy said...

فليقضى الله امرا كان مفعولا

دعوة للأمل said...

يا رب تنعدل احوال البلد دية بقا مش عارفة هتنعدل امتى
تحياتى لكى

Diyaa' said...

ده متوقع
بس مش هيفلت في الآخرة
حسبي الله ونعم الوكيل

Dr.Mohammed Gohary said...

والله يا سحر حاجة تجنن فعلا

مش فاهم بجد في إيه ؟؟؟؟؟؟؟؟

ايه كمية الفساد دي؟؟

زي ما قولتلك
الدولة عاوزة اباااااااادة وترجع تتبني من الأول


سيبك انتي وحشتينا فينك من زمن يا حاجة؟؟؟؟؟

ههههههههههههههههههههههه

ابقي خلينا نشوفك

خالص التحية

An Author said...

يا ستى احنا فى مصر
يعنى توقعى اى شىء

المفروض نحمد ربنا انهم ما حاكموش اهالى العبارة
!!

أم أحمد said...

بطوط حبوب
===============
ربنا يصبرنا

أم أحمد said...

دودو
===========
ربنا ينتقم لهم

أم أحمد said...

عاشقة الحواديت
============
منورة التدوين

أم أحمد said...

اهو ده عيبه
=============
ربنا يخلف علينا بالصالح اللي يظبط في البلد دي

أم أحمد said...

خواطر رئيس شاب
===============
ربنا ينتقم لدمهم المُهدر وياخدلهم بطارهم ممن قتلهم

أم أحمد said...

الشنكوتي الكبير
==============
بجد بقت حاجة تغيظ ان الظلم بقي عيني عينك بالشكل ده

أم أحمد said...

رئـــــيسـة حزب الأحلام
=============
انا مش عارفة الناس دي هاتقابل رب كريم بأنهي وش

أم أحمد said...

kafrawy
=============
الصبر جميل

أم أحمد said...

دعوة للأمل
================
ربنا يعدل حالها ويعدل حالنا معاها

أم أحمد said...

Diyaa'
==========




مش بايدينا غير حسبي الله ونعم الوكيل
ربنا هو المنتقم الجبار

أم أحمد said...

Dr.Mohammed Gohary
======================


مافيش بايدة دي عاوزة ابادة جماعية من الجذور
انا موجودة

أم أحمد said...

جـيـداء
================


تصدقي عندك حق


الحكومة كانت ممكن تحاسب الاهالي علي التعبير عن الحزن في مكان مفتوح مفروض يكون مُغلق ومايشوفهومش حد

Dr.Mohammed Gohary said...

ياااااااااااااااارب دايما تبقي موجودة
وميحرمناش منك

خلاااااااااااص نشوفك عن قريب ان شاء الله

ادعيلي بالتوفيق الامتحانات بعد العيد وانا حاسس بالضياااااااااااااع

أشوفك علي خير

aya said...

اللهم انا لا نسألك رد القضاء ولكن نسألك اللطف فيه


بصى يا ام احمد

(وولا تحسبن الله غافل عما يفعل الظالمون)

يعنى مسيرهم يتعلقوا من رموش عنيهم على اللى عملوه

ومعندناش غير حسبى الله ونعم الوكيل

Mahmoud البطراوى said...

كل سنه وانتى طيبه
بس انتى مختفيه بقالك فتره
صح؟؟

Unknown said...

نفس الكوارث عمالة تكرر غرق و حريق
و اخرتها
يا ترى العيب فى اهمال الحكومة و لا الشعب و لا تدخل اصحاب النفوذ فى حياة الناسو كله مع بعضه ؟

ربع ضارب said...

البنى ادم فى البلد دى ملوش تمنمشين بالمثل اللى بيقول معاك قرش تسوى قرش ممعكش ما تسواش بس ياريت العملية كانت فى مجرد قروش دى ملايين وسلطة وحصانة وبلاوى زرقة ربنا يرحم موتنا واذا كان العادل فى الدنيا اختفى فالعدل الالهى موجود

Unknown said...


thank you

سعودي اوتو