سؤال طرأ علي فكري ... ماذا يحدث للأزواج في السنة السابعة ... ليه كدة؟؟
الحب بيروح فين .. قديماً قرأت عن أزمة السنة السابعة في حياة كل زوجين وكيف أنها قد تطيح بعشرة العمر .. وللحق لم أصدق ماكتب حتي لمسته بنفسي .. فلست وحدي من مرت بهذه الأزمة بل جميع صديقاتي بلا إستثناء
يؤلمني ويحز بنفسي أن أري صديقاتي يعانين من تلك الأزمة ، ويؤلمني أكثر عدم قدرتي علي تقديم المساعدة .. بل حاجتي لها
كيف نعبر جميعاً تلك الفترة الحرجة في عمر الزواج ؟؟
لن أجاوب فأنا في وضع لا يسمح لي بإسداء نصائح فقد شرفتني السنة السابعة
ربنا يستر وتعدي هي وتوابعها
12 comments:
كان نفسى أنصحك بس للاسف
لسه متجوزتش
ولا ناويه
بس أعتقد التجديد فى الحياه مهم
غيرى أسلوب حياتك فى كل حاجه
لان الانسان بطبعه بيمل بسرعه
وبعدين أعتقد إن دى فتره وبتعدى
سلااااااام
انا شغالة في الأزرق غيرت لون شعري وبغير من طريق لبسي واشتريت حاجات كتييير بصراحة كدة خربت بيته وهاشوف النتيجة تصدقي عندك حق انا نفسي حاسة اني بقيت أحلي وثقتي في نفسي بدأت ترجعلي
احلى حاجه بجد
انى مش بتاع جواز
لكنى بحب وده فى حد ذاته كويس
صح
المفروض اللتغير يكون فى الشخصيه كمان
خليه يحاول يكتشفك من الأول
لأن ساعات الأنسان لما بيفهم اللى قدامه بيمل منه
ويركنه على جنب ويدور على حاجه جديده
فخليكى إنتى الحاجه اللى نفسه يفهمها ومش عارف
أولا السلام عليكم
أنا أول مره أزور المدونه بتاعتك
أنا واحده لسه متجوزتش بس موضوعك دا خوفنى قوى
أنا كنت شايله هم السنه الأولى
وكنت مفكره إن المشاكل حتنتهى بنهايتها
لكن إنتى احبطتنى
فهمتنى ان فيه سنه من المشاكل اسمها السنه السابعه
وانا رأيى انك متستسلمش
مش معنى ان فيه مشاكل معنى كده تخليه
يبعد عنك
لازم تعميلله دائماً تجديد فى حياته وحياتك
حاولى تستخدمى معاه اسلوب الهدايا ولو بسيطه
غيرى من نظام بيتك
بينى له حاجات فى شخصيتك مكنش يعرفها
لو مستسلمه اتفرعنى
ولو متفرعنه استسلمى
لاسف
انا لسة متجوزتش
التعليق مرفوع
صوت من مصر
============
الزواج اذا توافر فيه التفاهم والصراحة والحب والصداقة قد يكون أحسن من الحب وحده وأبقي فالعشرة تجعل الزوجين يتسامحان ويغفران
mnoon
======
بعد سبع سنين من الزواج يصبح الزوجان كتاباً مفتوحاً لللآخر فلا يوجد ألغاز بينهما بل بالعكس قد يفهم الطرف الآخر زوجه أكثر من نفسه وذلك في حالة تواجد حب وتفاهم في بداية زواجهما
freedove
=========
لو مستسلمة أتفرعني ؟؟ اه لو قري الكلمة دي .. هو الفرعنة تنفع مع الرجالة .. تبقي بتحلمي .. الرجالة معجونة بمياة من العند
بس ماتخافيش كدة حسستيني بالذنب اني بناقش موضوع ذي ده هنا
kafrawy
=======
ولا يهمك بس كفاية تشريفك لينا
أنا كمان خارج نطاق الخدمة والله
مقدرش أفتي في المسألة دي ومعتقدش في يوم من الأيام هتحط في الموقف ده إني أتجوز وإيه كمان يعدي عليا 7 سنين
المهم ..ممكن أفتي من الناحية الخارجية ؟
السكوت علامة الرضا
بصي يا ستي الواحد فينا كشخصية ..متكون في مجتمع مبيسمحش بالشخصية اللي عقلها يقدر يستوعب قيمة علاقة زي دي ويديها حقها وحق شريك حياته فيها ..لو الزوج والزوجة قروا كلام الرسول وأقتنعوا بيه وكل واحد فيهم تعامل مع التاني علي هذا الأساس وحاول يخرج شريك حياته من ساقية الدنيا وفي نفس الوقت أقنع نفسه بإن طموحاته تبقي معقولة
يعني ميستناش من شريك حياته إنه كل يوم يتصرف زي أبطال الأفلام الرومانسية لأنهم بكل بساطة بيعملوا الشوت وبيروحوا بيتهم يعيشوا زي الناس العاديين مش مثاليين أوي كده
وميستناش من شريك حياته إن شكله وأسلوب تعامله يبقي مبهر أوي كده زي مبيشوفوا من بعيد ..لأن لو هيحب يعيش معاه هيعيش معاه هو مش مع الصورة اللي رسمها ليه بناء علي النظرة الأولي
بجد العيب مش في حد معين ..هو مجتمع أغلب انتاجه فيه مشاكل بقي نعمل إيه
ربنا يكون في عون اللي سفينة حياتهم لسه في مرمي البصر .ويا رب يوصلوا للشط التاني في أمان وتبات وصبيان وبنات :))
ومتهيألي عنوان النعي مش مناسب..جامد شوية إلا لو تعمد أحد الطرفين إنه يوقع اللي اتبني
Post a Comment