Monday, May 19, 2008

مين السبب في الخراب ؟


جافاني النوم في ليلة وقلت أفكر في حال البلد

ليه مصر مش عاوزة تاخد خطوات كبيرة نحو التقدم ؟؟؟

ليه كل ماعجلها يجري تيجي حاجة تشدها وتقول لها عندك مكانك ؟؟؟

ليه بلدنا بقت كدة ؟

لـــــــــــــــــــــــــــــــــــيـــــــــــــــــــــــــــه ؟

قعدت أجيبها كدة .. أجيبها كدة


ياتري أيه إللي ممكن يشد بلد الحضارة سنين للخلف

مافيش غير حاجة واحدة بتتفرع منها حاجات كتيرة مشتقة منها

وهو إنعدام الضمير إللي خرجت منه سياسة أسمها سياسة الدورج المفتوح

أو ببساطة وبدون رتوش الرشوة والعمولة

وعلي فكرة بقي في حالة مصر وإللي حصل فيها فالرشوة هي العمولة
بلاش نحاول نحلل حاجة .. مادامت بتخرب الدنيا ... أكيد هي حرام
البلد أتباعت في نظير العمولات التي يتلقاها المنتفعين من هذه البيعة
وبعد مالبلد أتباعت إكتشفت حكومتنا المصونة أن مصادر دخلها نقصت
والتاجر لما يفلس يعمل أيه ؟؟؟
يدور في جيوب شعبه و ينفض الباقي
ومادام الشعب مهاود ومابيتكلمش يبقي النهب فيه حلال
وقووووووووووول ياباسط

24 comments:

Mafrousa said...

يااا بااااااااسط

انا اول تعليق...اصحاب بقى

Mafrousa said...

بصى يا ام احمد يا جميله
غير ان الراشى و المرتشى كلاهما فى النار
و ربنا مش بيبارك فى المال الحرام
والمال الحرام بياخد معاه الحلال

الزمم الخربانه اكبر من ده كله...لان الزمه لو خربت
يبقى عليه العوض
بس انا عندى امل لان مهما وصل الرسم البيانى لاى شخص لاعلى نقطه ممكنه و اغنى نقطه ممكنه لابد له من النزول...ماينفعش يفضل على طول فى العالى ده رسم بيانى لازم يرجع ينزل
واحنا و حظنا بقى

رئـــــيسـة حزب الأحلام said...

ابسطها يارب وافتحها علينا
الضمير دى حاجة قديمة اوى بنسمع عنها فى الافلام القديمة وبس لكن دلوقتى بقى فية الاوبن ضمير وناس تهيص وماعدتش تفرق معاها حاجة
اوعى تنسى تبوسيلى الاولاد
تحياتى

محمد مارو said...

يااااااااااااااااا بااااااااااااااااااسط


اولا اهلا بكى فى مدونتى و اتمنى التواصل دائما
خاصه
خاصه
خاصه

ان مدونتك لون مدونتى

اما عن خراب البلد ( منهم لله البعده طبعا )
اكيد السرقه و النهب و ان كل واحد بيقول يلا نفسى
اللى انتى قولتى عنها انعدام الضمير

ابو العربى said...

يااااااااا باسط

فعلا والله لازم نبطل الموضوع ده موضوع فتح مخك وهز جيبك
تحياتى
ابوالعربى

بنت الاسلام said...

يابااااااااااسط


السبب


دايما بيكون مجهول


ضايع


كل واحد بيرميه علي غيره

عشان يبرا نفسه


واحنا

ولا عارفين حاجة

rovy said...

ياااااااباسط
بجد بأحيكى على كل كلمه قلتيها او كتبتيهاسلمت يمينك .
الدرج المفتوح كبر وكبر قوى واتحول لحوت بيبلعنا كلنا ومبقيناش قادرين عليه
وحسبنا الله ونعم الوكيل
خالص تقديرى
تحياتى

rovy

بنت النيل said...

ام احمد
انتى لسة بتسئلى بلدنا بقت كدة لية
من الكوسة الا فيها
والا لية ضهر ما يضربش على بطنة
اكيد تعرف المثل دة
والا معاة قرش بيساوى قرش

دلوقتى ممكن تعملى كل حاجة الفلوس
حسبى الله ونعمة الوكيل
هنفضل نسكت ونسكت
قمتى بقى نتكلم
تحياتى لكى
بنت النيل

بنت النيل said...

اة شوفتى بقى نسيت اقولك مين السبب فى الخراب

قلوبنا الا ماتت من زمان
ونسيت كلام ربها
والضمير هو فين الضمير دلوقتى

عرفتى بقى مين السبب
معلش طولت عليكى
بنت النيل

مـحـمـد مـفـيـد said...

طالما ارتضينا الخضوع
فلنا الله

عبده الرايق said...

كل يوم والتانى الميه بتتعكر زياده
ربنا يستر

Unknown said...

خراب البلد ده انا رايى انه احنا اللى عملناه فى نفسنا بخضوعنا

تقبلى تحياتى
فى انتظار مشاركتك فى حملة اطفال الشوارع على مدونتى

خواطر رئيس شاب said...

يا باسط

الواحد عنده احساس ان مفيش حاجة بتخلص فى البلد دى بدون رشوة وعمولة ووساطة

لدرجة انك لما تتعاملى مع اى موظف نضيف تستغربى جدا هو انت فى منك لسة

أم أحمد said...

واحدة مفروسة
===================
أنا نفسي أشوف كبارنا بيخافوا من ربنا .. لكن دول طايحين ومابيهمهومش لا عبد ولا رب
اللهم أحفظنا

أم أحمد said...

رئـــــيسـة حزب الأحلام
=========================
جوعتيني لما قلتي الأوبن ضمير دي عاملة ذي ماتكون أوبن بوفيه

أم أحمد said...

محمد مارو
================
يشرفني أن مدونتي لون مدونتك دي حاجة تفرحني

أم أحمد said...

ضد الظلم
=================
حلوة هز جيبك دي
ولو اتهز هايشخلل ماهو بقي فيه أرباع معدن وبس

أم أحمد said...

بنت الاسلام
---------------
السبب واضح وضوح الشمس بس أحنا إللي بنخاف نشاور عليه

أم أحمد said...

rovy
============
ربنا يصبرنا علي مابلانا

أم أحمد said...

بنت النيل
=================
براحتك خالص فضفضي
ان ماكناش نفضفض مع بعض هانفضفض لمين ؟

أم أحمد said...

مـحـمـد مـفـيـد
==================
للأسف تفتكر هانعمل ايه مااحنا لوماخضعناش هانعمر المعتقلات

أم أحمد said...

عبدو الرايق
================
مية أيه ياعبدو

أم أحمد said...

هيثم الدهشان
=================
أكيد هااشترك في الحملة دي
ان شاء الله

أم أحمد said...

خواطر رئيس شاب
=================
ربنا يرحمنا برحمته في زمن اصبحت فيه الرشوة هي القاعدة والايد النضيفة هي الغريبة