منتهي العجرفة ... والغرور ... من مييييييييييييين ياأم أحمد ؟
تفتكرو من مين ... أكيد من إللي ماتتسمي أمريكا
آدي ياأخواننا أخرة المتكل علي أمريكا ورئيسها ... ريسنا أتهان ياميييييييينز
اللهم لا شماتة ... بس برضه أنا مقموصاله ... ده برضه الريس بتاعنا ... وإللي يزعله يزعلنا ... بس بصراحة مش مقموصة أوي ... يعني حتة شيكولاتة تنسيني المسألة كلها ... عادي ... بسيطة وهو يعني كان أتهزت له شعرة وغازنا بيتصدر برخص التراب لحبيبة القلب ... وفي نفس الوقت مستخسر فينا شوية غاز نضيف يظبط هواء البلد شوية ..والغاز إللي بيتصدر رخيص بيتباع غالي لأهل البلد
ماعلينا ... الله لا ................ولا بلاش ... الطيب أحسن
إللي حصل في مؤتمر دافوس بإختصار أن السيد المحترم بوش أبن الناس المتأصلة أتلكك وغاب عن حضور خطاب حبيبنا مبارك.... خلينا متفائلين .... مش جايز الراجل كان عنده إسهال وخاف يتحرج قدام وفود الدول اللي جاية تشوف سيادته .... هو الراجل مش بني آدم وممكن يعيا برضه وبعدين جايز سمع كلام الست شيرين وحب يدوق من نيلها وماكانش يعرف إللي فيها
يعني الراجل البسكوتة معذور ياأخواننا ... مش واخد مناعة من ميتنا ذينا
يقوووووووووم أيه ... الريس بتاعنا يردهاله ويمشي قبل خطاب بوش ... أحسن برضه تستاهل يابوش أو أبو وشين
أنت أصلك ماعندكش دم .. بقي الراجل سايب الطابور بتاع العيش وجاي مخصوص عشان يبسطك ويراضيك وانت ماتحضرش خطبته
بقي ده كلام يانااااااااس ؟؟؟
وألا أحنا مانشبهش ولا يمكن مانشبهش ... وألا عشان علمنا مش لونه أبيض وفي وسطيه نجمة داووود
يبقي نتعامل بالشكل المهين ده
كدة كله تمااااااااااام .... واحدة بواحدة والبادي أظلم
كلمة في ودنك ياسي بوش ... أنت مش عارف بتكلم مين ؟؟؟
أنت واحد خارج من الحكم عن قريب لكن أحنا ريسنا .. طويييييل العمر ... قاعد فيها
ربنا يزيد ويبارك
وإللي ذاد وغطي لما بوش نطق ... نطق كفراً والعياذ بالله .. قال العرب حكامهم في القصر والمعارضين في السجون
الراجل بيلقح بالكلام ياجدعان ... ومين إللي بيقول بوش بذات نفسه ماأخيب من ستي إلا سيدي
طب وأنت مال أهلك ... أحنا راضييييين خليك في بلدك ياخرونج ... يابتاع العراق ياغشيم
شفت ياحبيبي أنا بأشتم بوش علشان خاطر عيونك
ده أنت إللي فيهم وبوش سلطة ... قال مقهورين قال أحنا مقهوريييين ... قطع لسانه
... ماتقهرش نفسك أنت بس يجيلك الضغط يارااااااااااااجل وأحنا لسة عاوزينك
بس أحنا قلنا ولسة بنقول إن كل ريس من رؤساء العرب يحط في دماغه أنه مش هايكون أعز عند أمريكا من إسرائيل
ومهما عملتم وهنيتم إسرائيل بالعيد الستين ... جاتها ستين داهية تشيلها من وسطينا ... ووزعتم علي إسرائيل من خيرات بلدنا مش هاتبقوا في خُمس معزتها في قلب الراعي الرسمي لها
ولكم في راس الحاج صدام أُسوة حسنة
الشر برة وبعيد
14 comments:
عندق حق يا ام احمد ...
لازم يفوقوا و يهتموا مش فى اجتماع جامعة الدول يتاقشوا قانون الممثلين صعبان عليهم نور وهيفا
و سايبين الامور المهمه
امريكا سياستها هيه سياسة اسرائيل بالملى ...كنت عاوزه التصرف بتاع الراجل البايش ده ايه؟
خلاص طغى فى البلاد فإحنا مستنيين يسلط عليهم ربك سوط عذاب إن ربك لبرمرصاد
المشكله ان احنا كنا بنسمع كلامها....فلما نيجى دلوقتى ما نفزش اللى هيه عايزاه تزعل و تتقمص...و ما تنسيش انها متبنيه فرق كثيره منهم اقباط المهجر و البهائيين ..و ابعض الاحزاب برضه...و ده اللى مديها قال يعنى حق الوصايا
ربك اكبر من الكل و ادعو الله فى ساعة الفجريه ديه انا ينور بصيرة الحكام العرب كلهم
كلامك مزبوط والله ميه مية بس متزعليش حسني واخد علي ان بوش ينفضله بدليل انه حتى لما بيسافرله هناك بيبعتله رئيس وزراء يستقبله وبيلطعه بالكام يوم عقبال مابيفكر يقابله اما بابا حسني بقي لو حتة وزير ولا راح ولا جه جي من هناك بينزل يقابله بنفسه وممكن ياخد طنطتك سوزي تونسه لزوم الشياكة
ههههههههه
تحياتي
السلام عليكم
اختى الحبيبة ام احمد
كلام بوش عن الحرية والعدل زى بالظبط لما تجيبى واحدة
والعياذ بالله من محترفى البغاء وتتكلم عن الشرف !!
بس سيبك ربنا بيسلط ابدان على ابدان
مش عايزة بعد الغيبة دى ارجع اتحفظ على حاجة انت كاتباها لكن حظك معايا كده وانا مقدرش اعديها واعمل نفسى مش واخدة بالى فبالله عليك ما تزعلى لأن قصدى خير ,, الجملة الأخيرة
اصلها آية قرآنية من سورة الأحزاب
قال تعالى :
لَقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ لِّمَن كَانَ يَرْجُو اللَّهَ وَالْيَوْمَ الْآخِرَ وَذَكَرَ اللَّهَ كَثِيرًا (21)
فمينفعش نركب عليها كلام تانى
رغم انى متأكده من حسن نيتك
الموضوع كعادتك بتطرحيه بأسلوب ممتع ودمه خفيف
تحياتى وتقديرى
يا ام احمد دددددد
مالها امريكا بس ؟؟؟؟؟؟
ماكلانا ومدلعانا وواهو عشان خاطر عيونها مطلعين قانون يعترف بابناء الزنا وجايبين رقصات فى المدارس عشان يخلوا امريكا تقول عليهم متفتحين مش مسلمين متخلفين
مالها امريكا بس؟؟؟؟؟؟
اجدع ناس
بقت فوق العالم ودايسة بالبلغ على رقبتنا كلنا
ماحنااااااااااا اللى نستاهل
يا امريكا يا بيضا يا نوغة يا ريسة العالم الاهبل ال يا فرعون ايه فرعنك قال مالاقتش اخيب منهم
والله يا ام احمد يا اوختى مش كده كمان القصه القصه من بدرى بس مش واخدين بالكم خدى بالك بقى
ان اساسا الريس متقال بتاعنا غير شرعى وامريكا فاهمه القصه وشم بتقابله لانها مش معترفه بيه اساسا بس هى بتحركه كده لغايه لما تجيب حد تانى افهمتى القصه
وبعدين عيال بيلعبوا مع بعض بكرة يتصالحوا متحطيش فى بالك
تعرفي
ان ممكن حد في الجرائد القومية يكتب نفس الموضوع بس بيتكلم بجد
انا فرحان
كويس انه يحصل صدام
صدقنيني في مصلحتنا بشكل او بأخر
خليهم يفوقوا بقي
ايه العظمه دى كلها يا ام احمد
بجد انتى قلتى كل حاجه باحلى طريقه
ممكن تتقال بيها
مقال ممتاز احييكى عليه
دمت بخير ودام قلمك
تحياتى
rovy .
واحدة مفروسة
======================
مافيش فايدة فيهم
خليهموري أمريكا لحد ماهايودونا في داهية
بنات صاحبة الجلالة
=========================
يعني يستاهل اللي حصله هو اللي جابه لنفسه
مجداوية
===================
بوش ده حسبي الله ونعم الوكيل
ولو اني ماعنديش أمل ان فيه حد ييجي عدل من ناحية مامي أمريكا
la3lahakhier
==================
انا أكره إسرائيل وأكره أمريكا أكتر منها
appy
---------------
خليهم يلعبوا مع بعض واحنا نفرح فيهم
fahd
================
وانا فرحانة عشان الصدام ده حصل جايز اللي في بالي يفووووووق بقي ويحس
rovy
================
ربنا يخليكي ياقمراية
Post a Comment