أنا أم مصرية عادية جداً جداً عندي ولدين ورغم حبي للبنات رضيت بقسمتي ونصيبي وأكتفيت بأبنائي
والمهم أن اربيهم تربية كويسة وأعمارهم هي أربع سنين وسنتين ،بتمني أحقق أحلامي فيهم وأراهم أجمل وأشطر طفلين واحد مهندس والتاني دكتور_مثلاً_وأحاول أن أزرع فيهم الطموح لكن أنا مش عاوزاهم شاطرين دراسيا بس بل أجتماعياً ايضاً
فهل أستطيع تحقيق ذلك؟
7 comments:
ام احمد ربنا يخلي لك احمد ومحمد وتربيهم تربية صالح وتفرحي بيهم وتشوفيهم دكتور ومهندس قد الدنيا يا رب
ربنا يخليك يارب واشكرك علي أهتمامك الذي أعتز به كثيراً وشكرا
أمهات من أجل التغيير :)
الجمعيات بدأت تزيد
ربنا يبارك لك في أولادك وعقبال ما تشوفيهم
حاجة كبيرة قوي
:)
في البداية ..احتمال الكومينت يطول شوية فاستحمليني معلش .
طبعا محدش ينكر قيمة الحلم في حياتنا لكن ليا تعقيب بسيط...الإبن مش هيبقي بيرفيكت لو جاست دخل طب أو هندسة ..شوفي ميول أولادك ايه و عرضيهم لكل الهوايات اللي من خلالها هيبان هما مستعدين لإيه عشان متضيعيش وقتك في أنك تحصريهم في نشاط معين شكله حلو أجتماعيا لكن ممكن اقتصاديا لأ و ممكن أبنك ميتقبلوش بسهولة ..حببيهم في كل المهن و خليهم يحترموها و بإذن الله ربنا هيوفقهم في أي نشاط هيختاروه .
بالنسبة لموضوع أنهم أجتماعيين أو لأ ..فأنا كنت في طفولتي بمشي جنب الحيط دلوقتي و أنا علي أعتاب الواحد والعشرين تقدري تقولي بندمج بسرعة مع أي حد و زمان والله لو قلت لبنت سلام عليكم كانت بتبقي معجزة عشان تربيتي الدينية و كده
فمش تخافي عليهم و حاولي بس تحطيهم في المجتمع الصح أو شكليلهم هما مجتمعهم الخاص اللي ميحتاجوش فيه لحد الا للضرورة خصوصا ( و أنا براهن علي كده ) إنهم ولاد ناس أوي و أكيد هيكونوا متربيين أحسن تربية و من الصعب أنهم يتقبلوا شقاوة اطفال اليومين دول
حببيهم في الكمبيوتر و الكتابة اهو منها وسيلة تعبير و هواية مش مضرة (مع الكونترول ) و منها مستقبل و بوناس يتضاف لحياتهم العملية.
ربنا يوفقك في تربيتهم و تعليمهم و بإذن الله هينجحوا في حياتهم العملية و الأجتماعية أهم حاجة مش تستعجلي عليهم
و حاولي لما تخلطيهم بمجتمع سواء الحضانة و المدرسة فيما بعد أو النادي أو الجيران أو الأسرة تكوني البوصلة بتاعتهم و توجهيهم للتصرفات الصح من الغلط في المجتمع ده و تحاولي تعملي عندهم وقاية من عيوبه .
مش تكوني مستعجلة و بإذن الله أولادك هيوصلوا لقمة النضج و هيكون عندهم تحمل مسئولية و هيبقوا زي بنت عمتك بإذن الله و بلاش الخوف من حتة تربية الأولاد صعبة ..انا و ماما أصحاب جدا رغم أنها علي فطرتها و أنا لفيت كتير و اهو بحاول أتعلم ..و أكيد طالما عندهم أم زيك يا أم أحمد مش هيزعلوها و هيخلوها فخورة بيهم..
علي فكرة أنا مش بتكلم بصفتي دكتور فلان ولا علان ..ده مجرد رأي وصلتله من قرآتي و ملاحظتي للي بيحصل حواليا و تقدري تقولي كده بفكر بصوت عالي و البلوج بتاعك شدني و يا رب تفضلي مكملة فيه علي طول .
ضياء
وربنا يخليهملك و يخليكي ليهم أنتي ووالدهم ...
ضياء
إزاى فاتحة مدونة وعمالة تكتبى عن التقدم و التأخر فى حياتنا و أول حاجه تقوليها ، واحد دكتور والتانى مهندس، ما هو الأفكار المتأخره إللى عمرها ما حتخلينا نتقدم ولا لاعيال يطلع عندهم شخصيه مستقله يعبروا بيها عن نفسهم. بلاش كلام المحفوظات ده بقه حتعقدوا العيال طبعاً من المذاكره طول عمرهم عشان يطلع فى الأخر دكتور أو مهندس مش بيحب شغله. جاااااااااااااااااااااى
عموماً دول ولادك وبرده من حقك تحلمى ليهم زى ماإنتى عايزه
سوسووووووووو أولا ربنا رزقك ببنت اللي هي أنا طبعااااااااا مش كده ولا ايه أنا بقول اني بقي عندييي امهات كتير اويييييييييي بس انتيييييي ام رائعه وانا اتمني تكوني اميييييييييي بس برضوا انا عندي ام رائعة بس هعتبرك اميييييييييي علشان محرمش نفسي من حاجة ههههههههههههه
بجد ولادك دول هيبقوا احلي ولاد في الدنياااااااااااااااااااا
تحياتيييييييييييييي رنيم اللي شايفة انك مامتها وكمان ام رائعة
تحياتي مبتسمة دائما
Post a Comment